مستشار البام الشرقاوي ايدار تقدم لخطبة البنت من اهلها و قرأ الفاتحة مع عائلتها و عقد موعد لعقد القران فشهر ماي و اخبرهم انه مطلق منذ سنتين و أن طليقته تعيش ففرنسا، و انه يشغل منصب برلماني و اعطاهم هاذ الصورة ديال المنشور.
كان كيجيب ولادو يزورو الخطيبة كل نهاية اسبوع و في العطل المدرسية، عندنا صورهم الكثييييرة مع الخطيبة، و كان كيوصيهم يقولو ان باباهم لاباس عليه و عندو السيكان ديال الفلوس فالدار و انهم كيعيشو رفقة جدتهم و عمتهم اخت النصاب و شريكتو فبعض العمليات، المسماة نعيمة الي مذكورة فعدد من الشكايات و كانت حاضرة و شدات فلوس من عند ضحايا، و كانت كذلك على تواصل دائم مع الخطيبة، و عندنا كذلك فيديو كيقول فيه النصاب لولدو و هو كيلعب مع الخطيبة فالدار، لوح اولدي لماماك كورة.
قالت ليه بغيت نشري سيارة، عرض عليها قاليها بحكم منصبه البرلماني غايوفر ليها سيارة من نوع ممتاز من احد المزادات العلنية، فاعطاتو مبلغ 10مليون.
بقى يتماطل عليها كل مرة، من بعد ما وصل موعد عقد القران طلب مهلة بحجة ان طليقته غادي تاخذ حضانة الاطفال.
في شهر دجنبر ساقت الاخبار الخطيبة من مواقع التواصل انه نصاب خطير فإنفصلت عليه، و طلبت منه استرجاع المبلغ لكنه رفض.
من بعد قالت له بالحرف لا معطيتينش فلوسي و فلوس الناس لي منصوب عليهم فبرشيد غادي نصيفطك للحبس، جاوبها انا لي غادي تصيفطك قبل ما تصيفطيني، و انقطع الإتصال بينهم.
من بعد غايرسل ختو نعيمة لدار خت الخطيبة كيطلبو الصلح لكنها رفضت تتلاقاهم بعد ما انقصلو بدليل التسجيلات و المحادثاث لي عندنا و بدليل ذكورين فالشكاية كذلك.
لتتفاجىء من بعد بالشرطة جات ليها رفقة شوف تيفي و سيدة غاتعرف من بعد انها زوجته، اتهموها بالخيانة، جاو البوليس ما لقاو والو مشاو فحالهم، و الشكاية انضافت إلى عشرات الشكايات لي موضوعة ضد هاذ الكريك هو و اختو و مرتو، بحالا ما واقع والو !
يتبع...
سير على بركة الله...
